Sen título (CE002763)

Bloque de granito de forma paralelepípeda labrado a xeito de perpiaño por cinco caras. A frontal presenta en relevo unha cruz patada de brazos desiguais, colgando dos horizontais un alfa e un omega. A superficie da cruz, moi desgastada, ten marcadas unhas incisións no centro e preto dos extremos de cada un dos seus brazos como lembranza do oco duns cabuxóns á maneira das cruces de ourivería.