Sen título (CE004164)

Capitel entrego con decoración vexetal e astrágalo resaltado. Ostenta unha fila de cinco follas de notable plasticidade que ocupan todo o cesto, sendo lixeiramente máis longas as follas angulares; todas elas amosan un acusado refundido no centro e rízanse, encerrando unha bola na súa terminación. Na parte superior, tanto no centro de cada cara como nos ángulos, áchanse uns saíntes prismáticos.