Sen título (CE005231/3)

Aplique con decoración antropomorfa, formado por un espello circular cun mascarón toucado con coroa de raios. O conxunto complétase cun traveseiro en forma de media cana, adornado con dúas molduras, con incisións verticais. Remata nunha argola, na que iría engarzada á asa.

O mascarón representa un rostro masculino aínda que os riscos faciais están moi pouco definidos agás o nariz, que é triangular e pronunciado, e a boca con grosos beizos. O rostro atópase enmarcado por unha gran barba con rizos indicados a través de incisións radiais.