Sen título (DX0012/55)

Fragmento de cunca ou vaso cilíndrico de terra sigillata sudgálica. Do fragmento atopado despréndese a morfoloxía da cunca, de forma cilíndrica cunha parede recta, un labio vertical co seu bordo liso redondeado e un pé anular cun gran diámetro. A parede únese ao fondo cóncavo formando unha carena. As imaxes, feitas a molde, elaboráronse desenvolvendo un friso, cunha ornamentación compartimentada, feita a separación por medio de liñas perladas. Ditas imaxes representan escenas de loita de gladiadores. Entre o bordo e o friso unha cenefa de ovas e debaixo desta unha serie de círculos concéntricos.