Sen título (CE000473)

A morfoloxía da peza coñécese só parcialmente dado que presenta unha perda de parte importante do seu corpo e da súa base, non obstante pódese sinalar que se trataría dunha peza apuntada, de tendencia triangular. A tendencia dos bordos é a seren converxentes e rectilíneos, e cunha sección biconvexa. O retoque é de amplitude profunda estendéndose por toda a superficie dos fíos laterais e bifacialmente, cunha delineación continua/denticulada simple e un modo plano, marxinal e continuo.