Sen título (CE000483)

Fragmento de lámina de bordo abatido parcial, perfil recto-convexo e sección trapezoidal. Non presenta bulbo e foi extraída do núcleo posiblemente por presión. Na cara ventral presenta ondas de percusión pouco destacadas. Na cara dorsal presenta dúas nervaduras paralelas, un retoque simple profundo, directo, parcial, cunha orientación lateral destra e que só afecta á zona medial. Así mesmo, amosa unhas alteracións de microlascados concoidais sobre as caras ventral e dorsal de ambos gumes. Por último a superficie xeral é lisa de cor branca tenue e brillo tenues.