Cunca tipo Alpiarça. Castromao
![Cunca tipo Alpiarça](/sites/default/files/img/peza_mes/2024/5/pm_2024_06.jpg)
A peza que hoxe presentamos goza de gran singularidade, pois a súa presenza en Galicia só se documenta na actual provincia de Ourense. Coñécese co nome de cerámica de Alpiarça debido á similitude desta con cerámicas atopadas en estacións arqueolóxicas do centro e sur de Portugal. Este tipo de recipientes caracterízase polas formas carenadas, predominantemente abertas, e un coidado brunido das súas superficies, así como a ausencia de decoración, tendo un período de vixencia definido entre o Bronce Final e a Primeira Idade de Ferro.
Son moitos os achados que, ao longo de décadas de traballo, foron recuperados no xacemento arqueolóxico de Castromao, convertendo a capital dos Coelerni nun referente para o estudo da cultura castrexa do NO peninsular.