A peza deste mes Proxecto museográfico. O edificio, e as dúas anteriores que lle precederon, inscríbense no desenvolvemento do Plan museolóxico do Museo Arqueolóxico Provincial de Ourense, ferramenta de planificación e programación museística, imprescindible para acometer as necesarias obras de remodelación e ampliación do edificio, e adaptación da exposición permanente ás novas correntes museolóxicas.

A sede do museo é un edificio excepcional, a partir do que se pode reconstruír gran parte da historia de Ourense. Está situado na praza Maior, centro neurálxico da zona histórica. Coñecido desde a Idade Media como pazos, torres e curral do bispo, foi testemuña do devir histórico de nove séculos de vida da cidade, pola súa condición de pazo episcopal e residencia temporal do señor da cidade, ao tratarse dun señorío eclesiástico entre os séculos XII e XVI. O inmoble representa un excepcional expoñente da arquitectura civil románica e foi obxecto de diferentes ampliacións e reformas.