O Museo Arqueolóxico Provincial de Ourense, continuando o seu obxectivo de divulgar o patrimonio cultural da provincia e de conectar coa sociedade, pon ao servizo da comunidade educativa en particular e da sociedade en xeral, visitas guiadas gratuítas.

Grupos (entre 3 e 10 persoas) e centros educativos poden facer as súas reservas no teléfono 988 788 439 ou no enderezo electrónico mapour@xunta.es, estarán dispoñibles martes, mércores e venres de 10:00 h a 13:00 h (a última visita dispoñible remata as 13:50 h).

Os xoves haberá dúas visitas abertas, sen necesidade de reserva (entrada libre ata completar a capacidade), unha de 11:00 h a 11:50 h e outra de 13:00 h a 13:50 h, esperámosvos.