Onte, Pepa Rey, Andrés Teira, Tomás López, Fernán Álvarez e Pilar, pola produtora Illa Bufarda, preestrearon o documental “Anatomía dun forno” dentro do ciclo de conferencias “Arqueoloxía en Monodose” do Museo Arqueolóxico Provincial de Ourense.

Na posterior mesa redonda, expuxéronse os resultados de 15 anos de investigación desde perspectivas diversas. Por unha banda abordáronse os posibles usos que puido ter o forno, facendo fincapé na súa vinculación co procesado das landras, un alimento moi importante na dieta da época. A estas conclusións chegouse a partir do análise dos restos de feluxe atopados, que revelaron a presenza de ácido oleico, así como pola particular morfoloxía do forno, que presenta uns orificios que fan crer que estaría deseñado para estar colocado sobre un fogar.

Isto abre máis incógnitas, aínda sen responder, como: para que parte do procesado da landra se empregaba o forno? Que outros posibles usos podería ter?