A Idade Media comezou hai 1.500 anos
e acabou hai 500 anos.
Na Idade Media, a igrexa construíu moitos mosteiros
cerca do río Miño e do río Sil.
Estes mosteiros eran os mellores edificios da época.
Tamén tiñan as mellores esculturas da época.
Estos mosteiros e as súas esculturas eran de arte románico.
Esta escultura é un relevo da Idade Media.
Un relevo é unha escultura con figuras
que sobresaen pola parte de diante dunha superficie.
Esta escultura estaba no Mosteiro de San Xoán de Camba
en Castro Caldelas.
Castro Caldelas é un pobo da provincia de Ourense.
O Mosteiro de San Xoán de Camba agora xa non existe.
O tema do relevo é a Epifanía.
A Epifanía é un tema moi antigo da relixión cristiá.
Epifanía significa Adoración dos Reis Magos.
No relevo,
os Reis Magos entregan regalos ao Neno Xesús
que acaba de nacer.
No relevo,
podemos ver á Virxe María sentada nun trono
co Neno Xesús no seu colo.
Diante da Virxe e o Neno Xesús
están os 3 Reis Magos entregando regalos ao Neno Xesús.
O Rei Mago que está no medio está de xeonllos.
As figuras do relevo son sinxelas e pouco traballadas
pero xa sobresaen bastante da superficie.
Os investigadores pensan que este relevo
estaba no muro da porta da igrexa do Mosteiro.
O relevo decoraba o muro
e ensinaba a relixión cristiá a las persoas.
A igrexa utilizaba a escultura e as construcións
para ensinar relixión ás persoas
porque a maioría non sabía ler ou escribir.
Naquela época,
a maioría das persoas
so tiña contacto coa arte nas igrexas.
As cerimonias relixiosas marcaban moito
a vida das persoas da Idade Media.