Sen título (CE005212/65)

Fragmento de cunca de terra sigillata itálica lisa pertencente á forma Goudineau 38 (Loeschke 12). Presenta un bordo vertical con pequeno labio angular, sinalado por dúas liñas incisas, unha interior e outra exterior, a diferente altura; a unión do bordo co corpo realízase por medio dunha moldura horizontal moi desenvolvida. No bordo, ao exterior, presenta, aplicada en relevo, unha cabeza de figura feminina.