Sen título (CE005349/2)

Fragmento de bordo dun recipiente lixeiramente pechado, con perfil semicóncavo e paredes semigrosas. O beizo é apuntado e convexo. A pasta permite observar unha textura semiporosa, homoxénea, con abondosa presenza de desgraxantes finos/medios e cores ocre/cincenta. As superficies son lisas e amosan unha coloración irregular con tonalidades ocres e marróns. Estas características indicarían en xeral unha cocción alterna, na que a cocción redutora inicial se completaría cun lume oxidante. A decoración é pouco perceptible salvo por uns lenes trazos oblicuos e parellos no beizo.