Camafeo "de imitación" das Burgas ou da Casa dos Fornos

O motivo decorativo desta peza, que representa a escena do baño de Venus-Afrodita, é netamente helenístico. A deusa aparece espida, de perfil á dereita da composición, co cabelo recollido nun moño alto, o brazo esquerdo apoiado sobre unha rocha na que repousa o seu manto, mentres coa man dereita descalza un dos seus pés, preparada para o baño. Á súa esquerda, a figura da serventa sostén un recipiente desde o que verte a auga que servirá para o baño da deusa sobre unha bañeira globular de tres pés.