Sen título (DX1211/1)

Trátase dunha peza oca, de sección oval e paredes lixeiramente curvilíneas nos ombreiros, Na parte superior posúe unha argola circular e, ademais, aprézanse dous pequenos buratos. No seu interior consérvanse restos do sistema de fixación do badalo que tiña orixinalmente, ben fabricado en bronce, como a propia campaíña, ou en ferro, como tamén acontece en outros obxectos similares. O badalo debeu pendurar dun anel. Na época romana, a campaíña coñecíase có nome de "tintinabulum".