Sen título (DX1210/30)

Parte superior dunha xerra de cerámica bracarense pintada correspondente ao Tipo 6. Na peza obsérvase o seu colo corto e ancho coas paredes curvas, así coma parte do seu bordo horizontal, lixeiramente elevado e partido pola metade. Tamén conserva un anaco do arranque do ombreiro da xerra no cal se distinguen restos da decoración pintada e das incisións ornamentais curvilíneas.