Sen título (CE000574)

Campá de basta factura e de tamaño lixeiramente superior á media, co borde resaltado mediante pequeno baquetón. Mango tribulado e calado ao que lle falla o elemento sustentante do que penduraba. A aba presenta decoración alternada mediante motivos de estrelas, coa imaxe de Cristo Crucificado, un escudo coa representación da custodia sostida por dous anxelotes entre róleos, outro Crucificado e unha bela representación das ánimas do Purgatorio.

Na parte exterior do borde leva unha inscrición.