Sen título (CE000628)

Taboleiro de madeira de nogueira con decoración plateresca que puido pertencer ao desaparecido coro de santo Estevo de Rivas de Sil, realizado a mediados do século XVI. Decórase a peza cunha talla en baixorrelevo con motivos de estirpe plateresca dispostos en perfecta simetría; dun motivo gallonado, que asemella un floreiro, parten uns vástagos con acantos estilizados e terminacións curvadas a modo de roleos, rematados en flores que evocan ás dos cardos conformando un elegante follaxe. Enmarca a táboa unha sinxela moldura, perdida case por completo no seu lado esquerdo.