Membro da Comisión de Monumentos de Ourense, tomou posesión o 5 de decembro de 1884 e cesou o 12 de decembro de 1902. Foi nomeado Correspondente da Real Academia de Belas Artes de San Fernando en 23 de maio de 1884.

Tras unha etapa como fotógrafo en Mondariz, en 1890 abre estudio en Ourense na rúa do Progreso, no nº 73, hoxe entorno ao nº 91, amais de facer xiras por vilas e cidades de Galicia. Entre 1899 e 1905 comparte estudio con Jaime Pacheco na rúa de Alba, nº 18. A partir de 1905, e tras unha efémera estadía en Lugo, establécese en Vigo. Foi redactor de Vida Gallega dende a fundación da revista en 1909. En 1907 comezó a realizar filmes, sendo o autor da que pasa por ser a primeira película galega con argumento: Miss Ledya. En 1922 fundou a produtora Galicia Cinematográfica e, dende 1929, realizou o norticiario cinematográfico Revista de Galicia.