Anverso: Cabeza viril, imberbe, á dereita. Detrás, crecente luar. Debaixo, signo ibérico S.

Reverso: Xinete ibérico con lanza á dereita. Debaixo, SEKOBIRIKES (en escritura ibérica).

Anverso: Cabeza viril, imberbe, á dereita. Detrás, crecente luar. Debaixo, signo ibérico S.

Reverso: Xinete ibérico con lanza á dereita. Sobre a liña do exergo, SEKOBIRIKES (en escritura ibérica).

Fragmento de asa dun recipiente. A asa ten unha morfoloxía convexa e de sección arqueada. A textura da pasta é compacta e homoxénea, de cores vermellada/cincenta/ocre, e presenta desgraxantes de tamaño medio/fino. As superficies interior e exterior están alisadas, e alternan as cores avermellada/ocre. A decoración representada componse de seis incisións horizontais, colocadas transversalmente con respecto ao eixo lonxitudinal da peza.

Fragmento de asa dun recipiente semiesférico -forma convexa- e con sección aplanada. A pasta presenta unha cor gris escura, con textura semicompacta e homoxénea, con desgraxantes de tamaño medio. As superficies móstranse alisadas e cunha cor gris clara. Amosa unha decoración na franxa central do seu eixo lonxitudinal a base de trazos incisos oblicuos concéntricos. Aparentemente, os motivos decorativos serían do tipo "folla de acacia".

Fragmento da zona inferior do corpo e da base dun recipiente, posiblemente un cunco hemisférico pechado. A parte conservada é convexa. Carece de decoración. A pasta é bastante homoxénea e pouco compacta, con desgraxante de seixo e mica de tamaño fino-medio, sendo de cor cincenta no corte, cincenta clara na interior e avermellada clara na superficie exterior. As superficies exterior e interior están alisadas. A técnica de cocción é posiblemente redutora.

Fragmento de corpo e asa de vaso cilíndrico, tipo San Cibrán de Lás. O bordo é recto, cun asa en cinta e de perfil cóncavo. Presenta unha decoración de liñas incisas paralelas delimitando o perímetro da peza, que enmarcan unha franxa no comenzo do asa , onde se conserva un ese de tres trazos estampillados; seguido dunha franxa lisa e outra franxa composta por duás liñas de triángulos contrapostos cun punto central en relevo no seu interior, definidos por Cuevillas como pétalos de flor. A pasta e as superficies son castañas.

Fragmento de pé resaltado de ola. O pé é de corta altura, cun bordo redondeado e cun engrosamento cara ao interior e ten unha ampla curvatura. Está fracturado onde iría o corpo. Presenta unhas acanaladuras paralelas, dúas, que enmarcan unha franxa decorada con cadrados con aspas inscritas estampilladadas e tres acanaladuras paralelas. A pasta e as superficies son castañas. Este tipo de pes resaltados dánse en olas moi decoradas, con perlados e motivos estampillados imitando as vasillas metálicas.

Valva dun molde preparado para a fundición de machados tubulares. A matriz ten sección hexagonal (12 x 14 cm)

Fragmento de fíbula que conserva parte do arco, a cabeza en aro pechado, restos da charnela e o eixo de bronce con tope circular nun extremo.

Aro pertencente a unha fíbula.