A partir da revolución ocasionada con motivo da aparición da imprenta, o medio escrito convértese nunha das canles de comunicación máis eficaces para a transmisión do coñecemento e dos descubrimentos. O Camiño de Santiago, como roteiro cultural europeo antonomástico, foi unha das vías de intercambio deses saberes preferidos polas xentes de cultura.
Exposicións
Do de 15 setembro de 2021 ao 16 de xaneiro de 2022
Na sala de exposicións Afundación Ourense. Praza Maior, 4
HORARIO:
Luns a venres: de 17.30 a 20.30 h
Sábados, domingos e festivos: de 12.00 a 14.00 e de 17.30 a 20.30 h
Entrada gratuíta
O Museo Arqueolóxico Provincial de Ourense súmase, dentro do seu calendario expositivo, ao programa cultural e actos programados no Xacobeo 2021 coa exposición SÍMBOLOS XACOBEOS E IMAXES DE SANTIAGO NOS IMPRESOS DO BARROCO COMPOSTELÁN. Esta iniciativa, concibida desde unha base fundamentalmente divulgativa, propón unha renovada visión da figura do Apóstolo Santiago a partir dunha escolma de impresos, con presencia de estampas xacobeas, que viron a luz nas imprentas composteláns nos séculos XVII e XVIII.
As obras de rehabilitación do edificio histórico do Museo Arqueolóxico, o Pazo do Bispo na Praza Maior de Ourense, supoñen a necesidade de buscar outras alternativas para cumprir as funcións que os museos teñen encomendadas. Unha parte importante das coleccións do museo son os fondos pétreos de gran tamaño. Algúns destes fondos que aínda permanecían na antiga sede, conforman a partir de hoxe a exposición FONDOS PÉTREOS no Parque Arqueolóxico da Cultura Castrexa en San Cibrao de Las.
Recordamos que a sala de exposicións “Escolma de escultura“, ubicada ao carón do Claustro de San Francisco na cidade de Ourense, ten abertas as súas portas ao público cun aforo limitado.
Convidamosvos a visitar este interesante espazo da nosa cidade e a excelente escolma de escultura que acolle, con pezas que abranguen unha ampla cronoloxía dende a Idade do Bronce ata o Barroco.
Horario:
De martes a sábado de 9.00 a 21.00 horas
Domingo de 9.00 a 15.00 horas
Luns e festivos pechada
Dende o 20 de novembro de 2019 ata o 8 de marzo de 2020 permanecerá aberta na Sala de Exposicións Afundación en Ourense (praza Maior, 4) a exposición SANTOMÉ. CONXUNTO ARQUEOLÓXICO-NATURAL, organizada polo Museo Arqueolóxico Provincial de Ourense.
Horario:
De luns a venres de 17.30 a 20.30h
Sábados, domingos e festivos das 12.00 ás 14.00 h e das 17.30 ás 20.30 h
Entrada de balde.
Marcelo Macías 175 Aniversario. Cruz de Montealegre from musarqourense on Vimeo.