Prato con borde de sinxelo labio redondeado. Decoración estampada monócroma, en cor negra. No fondo do prato, paisaxe tipo "góndola": en primeiro termo, un xardín nobre con balaustrada rematada por xarrón decorativo gaionado e ornamentado con figuras; detrás, lago con embarcación de vela. Na ribeira oposta, arquitectura a modo de igrexa sobre fondo montañoso. O prato ten o borde decorado cunha orla tipo "góndola", que alterna este motivo con ramos de rosas.

Escultura de vulto redondo que representa dúas figuras masculinas núas, á maior das cales fáltalle a cabeza e o brazo dereito dende pouco máis abaixo do ombro. O grupo interprétase como Dionisos ebrio asistido polo sátiro Ampelos -a vide-, tema mitolóxico que deriva de modelos helenísticos e do que existen numerosos paralelos.

A figura de Dionisos describe no seu contorno un lixeiro S que evoca ritmos praxitélicos, descansando o peso do corpo sobre a perna esquerda mentres a dereita aparece levemente flexionada. O brazo esquerdo disponse sobre o ombro de Ampelos, quen a súa vez cingue co seu brazo dereito a figura de Baco, apoiando a man aberta sobre a súa espalda, ao tempo que ergue a cabeza cara o deus.

A consecución da estabilidade de ámbalas figuras conséguese mediante a presenza na parte traseira dun groso tronco de árbore adherido á perna esquerda de Dionisos e sobre o que, sentado a carranchapernas, descansa o sátiro, a cuxos pés encóntrase unha caixa cilíndrica coa tapadeira aberta.

A obra chegou ata nós extremadamente erosionada o que non permite apreciar os detalles do seu tratamento, senon tan só as formas xerais da mesma.

Capitel entrego de tipo vexetal con follas lanceoladas que partindo do colariño, ostentan eixos perlados e vólvense lixeiramente nas puntas. Unha segunda fila de follas de pequeno tamaño dispóñense entre os ápices da primeira. Ábaco cadrangular liso.

Machado plano con dous apéndices laterais perto do talón. Sección rectangular que vai adelgazando progresivamente ata o gume.

Peza de servizo de mesa. Abigarrada decoración estampada en negro. No fondo, paisaxe con ponte de ferro sobre un río surcado por barcos. No borde, paisaxes imaxinarias con arquitecturas e balaustradas á beria dun río, intercalados con ramos de flores.

Prato circular fondo. Decoración pintada polícroma sobre o vidrado estannífero branco. No fondo do prato, ramito floral en rosa granate, follas verdes e tallos azuis. O borde decórase con orla repetindo o motivo floral, unido por tallo de liña negra.

Prato circular fondo. Decoración estampada en rosa. No fondo do prato, paisaxe romántico de estanque con cisnes e fonte de dobre copa con nenos tenantes; a partires dunha balaustrada, arquitecturas e, na outra orilla, vexetación arbórea. O borde da peza decórase con orla de ramos florais intercalada por esceas de paisaxe: río con escalinata e arquitectura de castelo na orilla oposta con vexetación.

Prato llano de vaixela en louza branca estannífera, a molde. Decoración estampada en monocromía rosa sobre o estannífero de delicadas labouras en relevo no borde, con cenefas e volutas onduladas. Na unión do borde co fondo do prato, ramilletes estampados de rosas e follas con recordo de rocalla, en cor rosa.

Prato llano de vaixela en louza branca estannífera, a molde. Decoración estampada en monocromía rosa sobre o estannífero de delicadas labouras en relevo no borde, con cenefas e volutas onduladas. Na unión do borde co fondo do prato, ramilletes estampados de rosas e follas con recordo de rocalla, en cor rosa.

Gran sartego de granito de forma rectangular, realizado nunha soa peza, non antropomorfo, cuberto por unha lauda plana e lixeiramente redondeada nun dos seus extremos. A lauda está decorada cunha banda que percorre a liña media do seu largo bifurcándose en ambos extremos cara aos ángulos con dúas bandas que a cruzan transversalmente producindo un efecto de cruz en lixeiro relevo. Unha desgastada moldura enmarca o seu perímetro.