Sete fragmentos dunha xerra de corpo bicónico, de cor verde mofo con bordo exvasado e embutiforme, colo cilíndrico, pé anular tamén exvasado e asa dereita acanalada cunha costela central e dous laterais máis pequenas e menos grosas, aplicadas ao corpo sobre o punto de maior diámetro e probablemente baixo o bordo. As pegadas de fabricación son visibles na embocadura en forma de estrías, que xunto co deseño e orientación das burbullas -fundamentalmente ovales- reflicten o estiramento manual realizado para conformar o bordo, cuxo beizo aparece dobrado sobre se mesmo e acabado a lume. Pegadas de estiramento que tamén son claramente visibles nos fragmentos de asa.

Vaso reconstruído a partir de 27 fragmentos correspondentes ao bordo, corpo e base dun vaso cónico ou acampanado, con pé. O vaso, se ben moi fragmentado, presenta un bordo exvasado e decorado mediante seis liñas gravadas pouco profundas e estreitas. A base ten pé con forma de pavillón de trompeta ou >.Presenta un corpo troncocónico lixeiramente en "S" ou acampanado, tamén decorado con liñas gravadas.

Está realizado coa técnica de soprado ao ar, engadíndolle á base un segundo soprado para conformar o pé. O vidro no que está feito é incoloro pero ten unha tonalidade ámbar.

Na cara interna dun dos fragmentos do fondo apreciase un residuo de cor rosada.

Cunca ápoda de tradición helenística ou linear cut bowl, de corpo hemisférico, reconstruída a partir dun fragmento correspondente ao bordo e á zona superior do corpo. Caracterízase por ter un bordo recto e engrosado, un corpo que se vai adelgazando cara á zona media e dúas zonas de acanaladuras internas, paralelas ao bordo, unha baixo o labio e outra dobre na zona media. Presenta tamén un coidado acabado mediante pulimento a torno en todo o interior da peza e na zona exterior do bordo.

Na parte superior do corpo a 25 e 27 mm do bordo, polo interior, ten dúas acanaladuras, separadas entre se por 1 mm. Non presenta alteracións provocadas polo tempo, pero si rabuñaduras e rozaduras polo uso.

Atenea tocada con casco de Corinto e rodeada de coroa de loureiro. Varios instrumentos das artes: paleta de pintor, ferramentas de arquitecto, unha cítara, útiles de gravación de medallas e cicel e martelo. Lenda

Busto de perfil e mirando á esquerda do cardenal. Lenda e nome do autor.

O Destino disfrazado de home vello e suxeitando unha furna permanece sentado fronte as tres Parcas aladas. Lenda

Sobre un altar rectangular e soportado por un zócalo aparecen diversos atributos das artes, as ciencias, as letras e o comercio. No centro do soporte unha cartela con inscrición. Arredor da medalla unha orla vexetal. Baixo o exergo a data en números románs.

Busto do soberano, con longa melena, de perfil á dereita. Lenda e nome do autor.

Dous personaxes fan reverencia ante Napoleón e Murat, portando un deles na man un pergamiño e o outro un sombreiro. Napoleón leva na man dereita unha rama de loureiro mentres que colle a empuñadura da espada coa esquerda, xesto que repite o seu acompañante. A seus pés unha ninfa seminúa está apoiada nunha furna que leva rotulado "SCHOENBRUNN". Lenda

Inscrición no campo da medalla, a ámbolos dous lados ramas de loureiro e arredor unha greca.