Un único fragmento correspondente ao bordo e corpo dunha cunca hemisférica de bordo recto e labio bruto pulido a torno.

Decoración: Dobre moldura convicta consistente en dous fíos ou filetes da mesma tonalidade que o resto da peza, separados, entre se 11 mm e cunha anchura de 1,5 mm o superior e de 2 mm o inferior, aínda que o primeiro presenta unha sección máis saínte.

Vasilla reconstruída a partir dun fragmento correspondente ao bordo e parte superior do corpo dunha cunca hemiesférica de costelas da serie baixa, forma Isings 3 a, pouco profunda e de bordo vertical lixeiramente engrosado con respecto ao corpo. O corpo é hemisférico baixo ou en "arco de círculo" con costelas prominentes que irradiarían, probablemente, desde o centro da base e desenvólvense ata por baixo do ombreiro e que configuran o motivo decorativo. Aínda que o fragmento orixinal conservado é de pequeno tamaño, mostra un coidadoso acabado e unha perfecta simetría na realización das costelas.

Cunca carenada de pasta ocre amarela ben depurada, co bordo inclinado cara ao interior, parede moi fina e lixeiramente convexa e pé en resalte. Presenta decoración pintada en cor marrón, con motivos característicos do repertorio das denominadas cerámicas pintadas tipo Clunia, entre as que se inclúe. Na parte superior da carena, un friso metopado por liñas verticais paralelas, cunha das metopas ocupada por un motivo vexetal e a outra por unha aspa sinxela. Baixo a carena mostra unha serie de arquiños invertidos que pousan nunha liña horizontal.

Conxunto de cinco fragmentos correspondentes ao bordo, corpo e base dun vaso cónico ápodo e con muñón (lámpada). O bordo é vertical, lixeiramente exvasado e co beizo engrosado e pulido a lume. A súa reconstrución tipolóxica - feita mediante debuxo arqueolóxico - a partir do cálculo de modulación das partes conservadas e da comparación con formas completas coñecidas -, conformaría unha lámpada de corpo troncocónico segundo se deduce dos fragmentos conservados e da curvatura da parte baixa na súa unión coa base. A base presenta unha curva convexa ao exterior e un apéndice ou toco de deseño troncocónico moi mal cortado e acabado na súa parte inferior. Os fragmentos conservados do bordo e da parte superior do corpo presentan unha decoración de tres franxas esmeriladas, observándose en dúas dos fragmentos unha deformación do bordo, así como do esmerilado, polo que a acción da calor que provocou esta distorsión tivo lugar unha vez que xa a peza foi esmerilada.

Sete fragmentos dunha xerra de corpo bicónico, de cor verde mofo con bordo exvasado e embutiforme, colo cilíndrico, pé anular tamén exvasado e asa dereita acanalada cunha costela central e dous laterais máis pequenas e menos grosas, aplicadas ao corpo sobre o punto de maior diámetro e probablemente baixo o bordo. As pegadas de fabricación son visibles na embocadura en forma de estrías, que xunto co deseño e orientación das burbullas -fundamentalmente ovales- reflicten o estiramento manual realizado para conformar o bordo, cuxo beizo aparece dobrado sobre se mesmo e acabado a lume. Pegadas de estiramento que tamén son claramente visibles nos fragmentos de asa.

Vaso reconstruído a partir de 27 fragmentos correspondentes ao bordo, corpo e base dun vaso cónico ou acampanado, con pé. O vaso, se ben moi fragmentado, presenta un bordo exvasado e decorado mediante seis liñas gravadas pouco profundas e estreitas. A base ten pé con forma de pavillón de trompeta ou >.Presenta un corpo troncocónico lixeiramente en "S" ou acampanado, tamén decorado con liñas gravadas.

Está realizado coa técnica de soprado ao ar, engadíndolle á base un segundo soprado para conformar o pé. O vidro no que está feito é incoloro pero ten unha tonalidade ámbar.

Na cara interna dun dos fragmentos do fondo apreciase un residuo de cor rosada.

Cunca ápoda de tradición helenística ou linear cut bowl, de corpo hemisférico, reconstruída a partir dun fragmento correspondente ao bordo e á zona superior do corpo. Caracterízase por ter un bordo recto e engrosado, un corpo que se vai adelgazando cara á zona media e dúas zonas de acanaladuras internas, paralelas ao bordo, unha baixo o labio e outra dobre na zona media. Presenta tamén un coidado acabado mediante pulimento a torno en todo o interior da peza e na zona exterior do bordo.

Na parte superior do corpo a 25 e 27 mm do bordo, polo interior, ten dúas acanaladuras, separadas entre se por 1 mm. Non presenta alteracións provocadas polo tempo, pero si rabuñaduras e rozaduras polo uso.

Atenea tocada con casco de Corinto e rodeada de coroa de loureiro. Varios instrumentos das artes: paleta de pintor, ferramentas de arquitecto, unha cítara, útiles de gravación de medallas e cicel e martelo. Lenda

Busto de perfil e mirando á esquerda do cardenal. Lenda e nome do autor.

O Destino disfrazado de home vello e suxeitando unha furna permanece sentado fronte as tres Parcas aladas. Lenda