Anverso: GALLIENVS AVG

Cabeza radiada de Galieno á dereita.

Reverso: SEGVRIT PERPET

Seguridade de pé á esquerda, apoiada nunha columna e portando centro. No campo, á dereita, H.

Anverso: IMP C P LIC VALERIANVS P F AVG

Busto radiado e drapeado de Valeriano I á dereita.

Reverso: RESTITVTOR[I] ORBIS

Emperador de pé á esquerda, con cetro na súa man esquerda, aos seus pés, á dereita, unha muller axeonllada.

Anverso: IMP C C VIB TREB GALLVS AVG

Busto radiado, drapeado e con coiraza de Treboniano Galo á dereita.

Reverso: IVNO MARTIALIS

Xuno sentada, á esquerda; sostén na súa man dereita dúas mazarocas e coa esquerda un cetro transversal.

Anverso: IMP CAES M ANT GORDIANVS AVG

Busto radiado, drapeado e con coiraza de Gordiano III á dereita.

Reverso: PROVIDENTIA AVG

Providencia de pé, mirando á esquerda; sostén na súa man dereita un globo e coa esquerda un cetro transversal.

Anverso: GALLIENVS AVG

Cabeza radiada de Galieno á dereita.

Reverso: FORTVNA REDVX

Fortuna de pé á esquerda, levando cornucopia e temón. No campo, á dereita, S.

Anverso: IMP GALLIE[NVS P F AVG]

Cabeza radiada de Galieno ádereita.

Reverso: Ilexible

Figura de pé

Anverso: [...] [OTA]CILIA SEVE[RA AVG]

Busto drapeado de Otacilia Severa.

Reverso: CONCORDIA [AVGG]

Concordia sentada, á esquerda, portando pátera na man dereita e dobre cornucopia, na esquerda.

Vaso cilíndrico, "Tipo San Cibrán de Lás", con perfil cóncavo flexionado. Labio exvasado indefinido polo exterior e pregadura con faceta horizontal polo interior. Asa vertical cilíndrica a media altura. Fondo plano con transición en ángulo e aristada por fóra e redondeada por dentro.

A decoración ocupa todo o exterior do corpo, se ben o tramo equivalente á altura da asa recibe unha especial atención. Son incisións suaves que compoñen bandas horizontais formadas por tres liñas agrupadas e intercaladas con zigzags de dobre trazo na parte media e por dúas liñas e intervalos lisos, nos extremos.

Pasta de textura media e coloración descontinua entre o castaño avermellado e o gris case negro. Superficies alisadas, suavizada e uniforme a exterior, avultada e coas marcas dos rolos de arxila ao interior.

Asa: Altura 7; anchura 1,6 e grosor 1,4 cm

Obxecto alongado e puntiagudo de sección lixeiramente rectangular e decrecente cara a punta. No extremo oposto enrolase sobre si mesmo para formar un anel oval, por onde poder enganchalo.

Lucerna de volutas sen asa, con pico redondeado e disco cóncavo que se conserva case completo, decorado exteriormente con tres baquetóns concéntricos.

A paste é alaranxada e para resaltar os volumes das molduras e relevos aplicouse un engobe negro a pincel. Así mesmo o rostrum está rodeado dunha capa negra produto da chama.

No centro e como tema decorativo atópase a figura dun Eros/Cupido, en posición de tres cuartos, cos atributos correspondentes ao deus Hércules. Coa man esquerda sostén a maza que apoia no seu ombreiro, mentres coa dereita parece suxeitar a pel pertencente ao león de Nemea. A representación figurativa desta lucerna, atopa os seus paralelos en exemplares conservados no British Museum (Londres) e noutros recuperados en Cartago.