Fragmento de tella ("tegula") de cor crema claro. Amosa estampado, en relevo pouco marcado, un selo completo en cartela rectangular de 53 x 38 mm, coa incrición MAR con nexo nas tres letras de 30 mm de altura.

Fragmento de tella ("tegula") de cor roxizo con pestana que amosa gravado por medio de dedadas. Son dúas letras: un posible I e un R de 8 cm de altura.

Conxunto de tres fragmentos, correspondentes ao bordo e parte superior do corpo dun recipiente de corpo cilíndrico, de bordo lixeiramente entrante, acabado nun beizo redondeado e volto cara ao exterior.

O bordo e o corpo sepáranse por un filete de 1 mm. de grosor situado a 19 mm. do beizo.

Tres fragmento de diferentes recipientes sen catalogar.

Estas pezas apareceron xunto coa peza DX0017/146.

5 fragmentos da parte inferior dun ungüentario tubular de base redondeada.

Tríscele de raios curvos e envolventes en sentido dextroso, enmarcados por unha moldura lisa, moi desgastada ao exterior. A parte traseira está dividida en dúas seccións: unha labrada para sobresaír do muro e ser vista, e outra en forma de paralelepípedo irregular para encaixar nel.

Hexasquel, esvástica ou tríscele de seis raios en sentido dextroso que parten dun punto central, enmarcados por unha moldura circular lisa.

Pedra cilíndrica decorada cunha roseta de seis pétalos, enmarcada por unha moldura lisa, parcialmente perdida.

Ímbrice de cerámica (imbrex) de perfil semicircular e bordos de sección cuadrangular, decorado con dixitacións formando ondas.