Fusaiola de sección bitroncocónica; coa parte superior cóncava e a inferior convexa. Decorada a base de liñas formadas por cinco puncións de sección cadrada, e que a percorren por todo o bordo.

Regatón de ferro de forma cónica e sección circular.

Fíbula incompleta do tipo coñecido como en omega ou anular correspondente ao tipo B1 da clasificación de Fowler. A peza ten arco circular e remata en dous botóns esféricos decorados a base de aros concéntricos. Conserva a agulla que mide 2,8 cm.

Fíbula incompleta do tipo coñecido como en omega ou anular correspondente ao tipo B1 da clasificación de Fowler. A peza ten arco circular e remata en dous botóns decorados mediante aros. Conserva fragmentada a agulla que mide 3,7 cm.

Fíbula incompleta do tipo coñecido como en omega ou anular correspondente ao tipo B1 da clasificación de Fowler. A peza ten arco circular e non conserva os seus remates nos extremos que, polo xeral, consisten en botóns esféricos decorados a base de aneis. Conserva parte da agulla que mide 3,7 cm.

Fíbula completa do tipo coñecido como en omega ou anular correspondente ao tipo B1 da clasificación de Fowler. A peza ten arco circular rematado nos seus extremos con sendos botóns esféricos decorados a base de aneis. Conserva a agulla que mide 4,4 cm.

Anverso.- IMP TRAIANO AUG GER DAC PM TRP. Cabeza laureada de Traxano á dereita.

Reverso.- COS V PP SPQR OPTIMO PRINC. Exergo: DACIA CAPTA. Dacia sentada á dereira sobre un amontoamento de armas coas máns atadas por detrás.

Anverso: IMP CAES DOMITIAN AVG GERM COS X. Cabeza laureada de Domiciano á dereita.

Reverso: IOVI [CONSERVAT] SC. Xúpiter de pé de fronte portando raios e cetro.

ANVERSO: IMP CAES DOMIT AVG GERM PM TRP XV.

Cabeza laureada de Domiciano á dereita.

REVERSO: IMP XXII COS XVII CENS PPP.

Minerva de pé á esquerda portando unha lanza na man dereita.

Fragmento de cunca de terra sigillata hispánica da forma Drag.37 de tamaño medio, caracterizada por ter o corpo hemisférico, o bordo simple de sección circular engrosado cara o exterior, o fondo plano e o pé anular alto. A decoración está articulada en dous frisos subdivididos en metopas nas que aparecen ritmicamente representadas tres divindades: no friso superior Mercurio, e no inferior Minerva acompañada de Mercurio. A separación entre as metopas realízase mediante palmetas moi estilizadas entre tres liñas onduladas verticais; tanto na parte inferior como na superior presenta un friso de ovas.