O mércores, 14 de decembro, ás 20:00h. terá lugar a presentación da Peza do mes: Sítulas de Santomé, na Sala San Francisco. A explicación correrá a cargo de Xulio Rodríguez González, director do Museo.
Entrada libre.
Actividades
Inauguración desta exposición itinerante na Casa da Cultura de Xinzo de Limia o día 3 de novembro de 2011 ás 20:30h.
Entrada libre e gratuíta.
Inauguración desta exposición itinerante na Casa do Escudo de Verín o día 7 de outubro de 2011 ás 19:00h.
Entrada libre e gratuíta.
Permanecerá ata o 27 de outubro.
O mércores, 5 de outubro, ás 20:00h. terá lugar a presentación da Peza do mes: Il terzo libro, na Sala San Francisco. A explicación correrá a cargo de María José Sierra Rodríguez.
Entrada libre.
Martes 23 de Agosto as 20:00 h. no Museo Arqueolóxico
A Compañía Autónoma Dromosofista presenta: O cubo libre Teatro musical, mimo e teatro de obxectos.
Catro personaxes arredor dun cubo negro transfórmanse nunha espiral de imaxes surrealistas e poéticas, acompañadas de música ao vivo.
Espazos Sonoros conta de novo co Museo Arqueolóxico para achegar unha nova proposta musical e promocionar o patrimonio.
Máis información en Espazos Sonoros
O Museo Arqueolóxico Provincial de Ourense sumouse este mércores á conmemoración do Día Internacional dos Museos coa celebración de dúas actividades que se desenvolveron na Sala San Francisco (Experiencia e Memoria) e no Laboratorio de Restauración do centro, situado en Santa María de Europa (Museos e Memoria).
O Día Internacional dos Museos é unha efeméride que se celebra en todo o mundo dende o ano 1977. Este ano, o lema elixido é Museos e Memoria, unha filosofía de traballo que, segundo Xulio Rodríguez, ten por obxectivo “amosar á cidadanía o significado e a importancia da labor que se leva a cabo, cada día, nos museos”.