Fusaiola de cerámica común.

Fragmento dunha lucerna de tipoloxía bracarense correspondente ao disco, lixeiramente cóncavo, que amosa en relevo a representación dun león. Na orla a peza decórase cunha moldura composta por dous filetes e un baquetón. Orixinalmente o disco debeu ter un diámetro arredor de 5 cm.

Fragmento de tégula de cor crema claro que presenta estampado en relevo pouco marcado un selo completo nunha cartela rectangular de 5,5 x 4 cms coa inscrición TSF pertencente ao alfareiro. Conserva gravado por medio improntas dixitais catro sucos semicirculares, executados con motivo de enmarcar a dito selo, que arrancan da base da tégula.

Fragmento de tégula de cor crema claro revestida dunha impregnación alaranxada que presenta estampado en relevo ben marcado parte dun selo en cartela rectangular coa inscrición ......VT (CLOVT). Conserva gravado por medio de dedadas tres sucos semicirculares que arrancan da base da tégula executados con motivo de enmarcar o selo. A tella conserva parte da súa pestana.

Fragmento de tégula de cor alaranxado que presenta gravada unha pegada de animal posiblemente un ovicáprido.

Fragmento de tégula de cor alaranxado que presenta estampado en relevo ben marcado un selo incompleto en cartela rectangular coa inscrición CLO... [CLOVT] correspondente ao alfareiro.

Fragmento de tégula de cor alaranxado que presenta estampado en relevo ben marcado un selo incompleto en cartela rectangular coa inscrición ..OVT (CLOVT) correspondente ao alfareiro.

Fragmento de tégula de cor crema clara que presenta estampado en relevo ben marcado un selo incompleto en cartela rectangular de 6 x 4 cms coa inscrición TSF correspondente ao oleiro.

Fragmentos (2) correspondentes a un bordo aberto dunha cunca de T.S.H. Drag. 29. Na cara exterior amosa unha banda lisa entre dúas molduras en baquetón. Por debaixo da moldura inferior aparecen dous rexistros con decoración de metopas que incluén guirnaldas que envolven círculos concéntricos ou ben círculos que rodean follas tetrapétalas.



Fragmento nº 1 (esquerda da foto):

Altura = 5,8 cm; Anchura máxima = 9,5 cm ; Grosor = 0,5 cm



Fragmento nº 2 (dereita da foto):

Altura = 5,8 cm; Anchura máxima = 7,5 cm ; Grosor = 0,5 cm

Doce fragmentos (12) pertencentes a unha Dragendorff 37a, cunca hemisférica con borde simple vertical e labio redondeado. Presenta unha decoración distribuída en dous frisos, un superior a base de repetición de círculos segmentados concéntricos e outro inferior a base de círculos segmentados que enmarcan a figura dunha cegoña, separados por medio de columnas. Posúe un pé anular de sección triangular cerca do cal, gravado coa punta dunha navalla, pódese leer un grafiti anexado coas letras ANT que poden ser as iniciais do nome dalgún soldado chamado Antoninus ou Antonius.

A maiores, un fragmento (1), que casa co resto de pezas, de bordo e inicio de parede onde se lle aprecia unha banda decorativa composta por unha sucesión de dous círculos concéntricos rodeando unha perla central. Altura 4,3; grosor 0,5 e anchura máxima 5 cm. A peza procede da campaña de 2011 (LOCALIZACIÓN/POSICIÓN: AQ - 11/ 8401 - nº 206) e foi inicialmente rexistrada co número DX1211/15.