Conxunto de fragmentos correspondentes a unha botella de tamaño mediano do tipo Isings 50. Un dos fragmentos pertencente ao bordo conserva o arranque do colo da botella. Outro dos anacos amosa unha decoración estriada e formaba parte da asa. Nos fragmentos distínguense picados do tipo "pontos negros" e algunhas burbullas.

1: Dous fragmentos de bordo que pegan.

2: Asa. Altura 3,5; anchura 2,6 e grosor 1,2-0,7 cm

3: Fragmento de corpo. Lonxitude 2,7; anchura 1,8 e grosor 0,4 cm

4: Fragmetno de corpo. Lonxitude 2,1; anchura 1 e grosor 0,4 cm

Punta de lanza en ferro de sección romboidal e forma de folla con tubo de enmangue oco de sección circular.

Fragmento correspondente ao bordo dunha botella cuadrangular do tipo Isings 50. Amosa o arranque do colo do recipente e ten unha cor amarela translúcida. A parede está rematada por un bordo espeso co labio volteado cara o exterior, sobreerguido e dobrado sobre sí mesmo. Pasta cor crara.

Fragmento correspondente ao bordo dunha botella prismática do tipo Isings 50 de gran tamaño. Amosa o arranque do colo do recipente e ten unha cor verde translúcida. A parede está rematada por un bordo espeso, volteado cara afora, sobreerguido e dobrado sobre sí mesmo, formando un rebordo na parte interna. A través da fotografía na peza aprézase un picado do tipo pontos negros.

Ficha ("calculus") plano-convexa e de sección circular.

Ficha ("calculus") de forma elíptica e plana por ambas caras.

Dardo para lanzar con catapulta (pilum catapultarium) de sección cadrada na punta e circular no tubo de enmangue semellante ós aparecidos en campañas arqueolóxicas anteriores. No momento da súa recuperación nas escavacións arqueolóxicas tiña unha lonxitude de 8,3 cm, máis a súa degradación fixo que no momento da súa catalogación só conserve 5,3 cm

Punta de ferro triangular correspondente a unha espada ("spatha") que se conserva en tres láminas.

Cuña ("cuneus") de ferro e sección cadrada empregada para fender na rocha e proceder a extracción de pedra nas canteiras. Fáltalle a cabeza.

Cuña ("cuneus") de ferro e sección cadrada rematada en punta plana, empregada para fender na rocha e proceder a extracción de pedra nas canteiras.