Varios fragmentos (4) de bordo, parede e fondo pertencentes a unha oliña de cerámica común semiesférica con bordo aconcavado, decorado no labio por medio dunha banda ondulada que se repite no corpo enmarcada entre dúas acanaladuras. Fondo plano. Engobe de cor vermello no interior. Pasta de cor ocre con desengrasante de cuarzos e micas. No exterior mostra restos de feluxe.

Dous fragmentos de parede e bordo pertencentes a unha Hisp. 4. Prato de parede curva e bordo plano horizontal que posúe decoración "á rodiña" delimitada por dúas ranuras, unha exterior e outra interior.

Dous fragmentos dunha parede pertencente a unha cunca Drag. 27 con perfil en dos cuartos de círculo e labio pouco marcado.

Fragmento de parede pertencente a un prato Drag. 15-17 con perfil moldurado e cuarto de círculo interior ancho e algo aplanado. Presenta pola parte exterior un grafito incompleto do que se poden distinguir claramente as seguintes letras: ..ALIIRIVAS, que poden facer referencia ó nomen e cognomen dalgún soldado: ...Valeri Vas(i).

Catro fragmentos correspondentes ó colo e asa dun recipiente de cerámica bracarense. Forma 3 da cerámica lisa.

O fragmento siglado co nº 131 ten un grafiti: PA.

Conxunto de seis fragmentos correspondentes ao bordo, parte superior do corpo e asa de unha cunca globular con corpo curvado convexo na súa zona superior, característico deste tipo de cuncas con deseño globular. O bordo exvasado, volto cara o exterior, engrosado e redondeado no lume. Conserva unha asa amorcillada, rematada na súa extremidade superior mediante un apéndice sobresaínte da embocadura en forma de media laranxa ou de medio círculo.

Fragmento pertencente ao corpo dunha peza que se pode identificar como unha cunca Drag. 27. Perfil en dous cuartos de círculo resultando o superior a metade do inferior. Labio pouco marcado. No corpo da peza obsérvase un grafiti incompleto correspondente á terminación dun nome ...ANI.

Varios fragmentos (6) dunha tapadeira de cerámica tipo bracarense, con pasta de cor crema crara e restos de engobe exterior de tonalidade roxiza acastañada.

Fondo dunha cunca Drag. 27. rota pola unión dos dous cuartos de círculo. Pé alto anular de sección triangular. No exterior da peza podemos observar un garfiti de difícil interpretación.

Fragmento de Terra Sigillata Hispanica probablemente correspondente a unha cunca. Conserva parte da decoración consistente nunha moldura circular do tipo baquetón; ademáis amosa cículos concéntricos e figuras.