Trátase dunha peza pequena, de cor gris, co corpo case que globular, colo moi marcado e labio desenvolto en vertical e amplo, troncónico invertido, cunha asa, e, preto dela, tres incisións aliñadas en vertical, resultando representativa do conxunto recollido no seu día nas escavacións e, máis aínda, dun dos seus grandes tipos formais.

Caracterízase este amplo conxunto pola cor das súas pastas, gris perla - resultado dunha coción redutora a unha temperatura de oitocentos grados-, micácea, con degraxante orgánico visible -pequenos carbóns-; pola textura externa -irtas ao tacto-, e pola factura cun torno que produce grandes irregularidades. Hai tamén unha coincidencia na decoración, moi limitada formalmente, e que abrangue incisións formando grupos ou aliñacións tanto verticais como horizontais, liñas incisas paralelas , case que sempre ondulantes, e ungulacións. Tamén, agás unha media ducia de excepcións, o tamaño é coincidente, entre os nove e once centimetros de altura.

A peza debeu ter forma prismática e a parte conservada pertence á dereita da peza. A cornixa ou capitel está decorada con tres molduras lixeiramente marcadas, faltándolle os rolos. O fóculo, doblemente refundido, é de sección cadrada. O campo epigráfico está mal conservado na parte superior debido á calidade da pedra, moi meteorizada; por contra na parte baixa a inscrición está bastante clara e as letras profundamente marcadas. A basa está decorada por unha moldura no punto de arranque, sendo o resto completamente liso. A parte que falta non foi cortada de forma regular.

Trátase dun fragmento de micrólito con morfoloxía xeral subtrapezoidal e sección triangular. O retoque é marxinal e abrupto.

Fragmento de folla laminar de morfoloxía xeral pentagonal irregular, sección triangular e perfil semirecto. Carece de retoque.

Fragmento de folla laminar de morfoloxía xeral con tendencia trapezoidal, sección triangular e perfil recto. Índice de lonxitude maior de 3 (na reconstrución ideal do director da escavación, a lonxitude non superaría os 4 cm.). Carece de retoque.

A morfoloxía e medidas xerais das 27 pezas (26 delas enfíadas nun fío de liñu actual) que conforman este conxunto de doas é diversa, pero todas elas comparten unha forma discoide e unha perforación central. A descrición das seccións é moi dificultosa debido en parte ao seu diminuto tamaño, non obstante obsérvanse tres tipos fundamentais de sección, as rectangulares, as subrectangulares e as de tendencia elíptica. Os orificios centrais son irregulares predominando as perforacións circulares, aínda que as formas elípticas son relativamente numerosas.

As alteracións mais salientables que se derivarían do proceso de elaboración da peza, uso e/ou manipulación postdeposicional son os entalles nos bordos dos orificios e nos extremos dalgunhas doas. O brillo é tenue e metálico, a textura é foliada ou laminar, propia de rochas da familia dos xistos e o resto de propiedades serían unhas cores de varias tonalidades cincentas.

Un pequeno fragmento de cuarzo.

Trátase dun fragmento de morfoloxía xeral esferoide (na reconstrución ideal do director da escavación móstrase unha forma xeral circular). A superficie amosa un puído groseiro, sobre a que se trazaron dúas acanaladuras con sección en forma de "U" moi aberta (anchura media de 10 mm. e profundidade de 2 mm.): a primeira sitúase na parte medial da peza cruzando o eixo menor; a segunda recorre a metade inferior na parte central do eixo maior.

Trátase dun ara erosionada en toda a superficie, sobre todo na parte superior da cabeceira e coa marca de dous dentes dunha pá escavadora en todo o largo do seu lateral esquerdo, afectando ás molduras. Presenta un capitel con un bocel. O dado epigráfico é sinxelo e liso polos lados e a traseira. O pé, traballado en liso e coa transición marcada por un bocel, está completo. Inscrición en seis liñas.

Fragmento de bordo-colo dun recipiente aberto con perfil semiconvexo e paredes semifinas. O labio ten un perfil de tendencia oblícua, apuntado e semiredondeado. A textura da pasta é homoxénea e as tonalidades van dende a cor gris ata un ocre escuro, con desgraxantes finos/semifinos. A superficies -interior e exterior- presentan unha cor ocre escura e unha textura semirugosa.

Fragmento de bordo-colo dun recipiente aberto con perfil semiconvexo e paredes semifinas. O labio ten un perfil redondeado-convexo e lixeiramente labiado. A textura da pasta é homoxénea e as tonalidades van dende a cor cincenta escura -alma- ata a ocre-avermellada, con presenza de desgraxantes finos/semifinos. A superficies -interior e exterior- presentan unha cor ocre-avermellada, e unhas texturas semirugosa e semilisa, respectivamente.