Trisquel de raios en sentido dextrorso cunha moldura lisa arredor. A execución do motivo non é moi boa, sendo os raios totalmente desiguais en anchura.

Esvástica ou roda de raios curvos en sentido sinistroso. Está tan mutilada e erosionada que non é posible precisar cantos raios tería, posiblemente oito. Aprecianse restos dunha moldura lisa enmascarando o motivo principal.

Trátase dun paralelepípedo traballado nunha das súas caras estreitas. O motivo, de arriba a abaixo, consiste nun círculo cunha suave incisión, tamén circular, no interior; o resto da peza está verticalmente labrado en forma de toro liso.

Fragmento dunha estatua de guerreiro, da que só se conserva o torso, algo mutilado e cortado xusto por baixo do cinto.

Ten as características iconográficas de tódalas estatuas de guerreiros galaicos: figura ergueita cos brazos pegados ao corpo, aínda que o esquerdo está mutilado xusto por debaixo dos brazaletes; a man dereita, ao mesmo tempo que sostén unha espada de folla ancha e alongada, de tipo "parazolium" repousa no escudo. Leva unha coiraza, da que teñen desaparecido os bicos superiores; aínda que moi erosionada, vese unha liña vertical que corre polo centro do peito e, sobre todo, polas costas. A camisa remata nos brazos a media manga, por riba dos brazaletes ou "viria", que están formados por tres ou catro toros, segundo sexa o brazo esquerdo ou o dereito. O cinto está formado por dous baquetóns ou toros lisos paralelos, e non se manifestan restos de presillas de suxeición.

O escudo ou "caetra", redondo, está completamente liso, sen sinais de inscrición ou decoración e seu umbo destaca lixeiramente. Por detrás das costas non se sabe como remataría, pois na parte da cintura ten unha profunda abrasión.

Ara moi clásica, con capitel desenvolvido, con rolos e fóculo pouco profundo, circular, cun diámetro de 12 cm, sobre un taboleiro con frontón, dado, un listel e un baquetón en diminución. Inscrición en cinco liñas.

Puñal alabardado de base recta con dous buratos perforados irregulares de diferentes dimensións. Presenta un nervio central asimétrico e ten sección lenticular, aínda que máis convexa por unha das faces. A irregularidade das formas e a disposición dos buratos semella o reaproveitamento dunha folla de puñal. Estudios da composición da materia: 1995 mediante fluorescencia de raios X, no Instituto de Conservación e Restauración de Bienes Culturales, en Madrid, baixo o Programa de Arqueometalurgia de la Península Ibérica.

Machado bifacial de talón con dous aneis e nervio central. Talón de sección cuadrangular ancha con rebordos. Aneis de posición media. Folla de tendencia trapezoidal sen rebordos. O nervio é pouco destacado en sección. Está lixeiramente torcido segundo o eixo lonxitudinal da peza. Por unha das faces o nervio arranca do tope do talón cun trazado tortuoso, mentras que na outra, un posible defecto na base do tope do talón fai que o nervo arranque máis abaixo.

Ara en forma de prisma cudrangular traballado en todas as súas caras. A inscrición desenvólvese en dúas caras contiguas, na cara A en sete liñas, na B en catro e na cara superior, ao lado do fóculo, nunha liña. O fóculo está lixeiramente agrandado e o plinto repicado.

Aplique de caldeiro en forma de tau invertida, con tres orificios para os remaches e un máis grande para o enganche da asa, este está desgastado na parte superior polo rozamento da asa.

Aplique de sítula con figuración de rostro humán esquemático e trazos xeométrico: ollos e cellas acentuados con axuda dun punzón, un pronunciado nariz de forma triangular, unha boca apenas delineada cunha incisión e un peiteado representado a base de liñas incisas ben marcadas. Conserva os dous remaches suxeición.