Anverso: Busto de Xuno Sospita á dereita, cuberta con pel de cabra. Detrás: I.S.M.R.

Reverso: Touro á dereita coas patas dianteiras levantadas. Encima: Q. Debaixo: L. THORIVS.

Exergo: BALBVS.

Anverso: Cabeza diademada da Piedade á dereita. Detrás:PIETAS (TA entrelazadas) .

Cara contramarcada.

Reverso: Amphinomus fuxindo co seu pai sobre os ombros. No campo, á dereita: Q, cun punto encima.

Fíbula anular en omega. Ten sección circular, de 4-2,5 mm. de diámetro, e cabeza con remate decorada mediante boliña e resaltes. Non conserva a agulla.

Aparecen agrupados varios fragmentos dun borde aberto dunha xerra de cerámica de paredes finas. Presenta o labio saínte e apuntado cara arriba remarcado por un rebaixe corrido paralelo ao borde. Podería levar tapadeira. No colo presenta decoración aplicada que mostra un gran realismo: cabeza de león ruxindo, mirando cara abaixo; dous acios de uvas; e unha landra. As asas arrancan xusto por baixo do labio, e presentan dous fondos sucos lonxitudinais, tendo os resaltes un perfil redondeado. Ademáis, por riba da súa curvatura de arranque, e unidas por un resalte aplicado e redondeado, levan unha cunquiña que ten 3,4 cm de diámetro total e 1 cm de fondo. Dado que se conserva unha cunquiña enteira, metade de outra coa correspondente asa, e parte doutra, é de supor que a xerra tería tres asas. A pasta é depurada, fina e de cor clara, que conserva pegadas de engobe alaranxado.

Asa: Altura 6; anchura 1,5 e grosor 0,8 cm

Pesa móbil ou aequipondium en forma de cono invertido, cunha argola fixa na parte superior, da que pendía.

Chave de tranca en forma de barra de sección cadrada, rematada nun dos lados con dous ganchos, e polo outro cunha forma anular aberta.

Talón metálico robusto, oco e de forma cónica, que remataría nunha punta aguzada, hoxe perdida. Mostra dous orificios para os remaches que fixarían o regatón á hasta.

Colgante conformado por unha pequena cápsula circular co interior oco e un apéndice superior en forma de aro para suspensión. Presenta un prominente umbo cun punto central e aparece decorado no seu contorno mediante unha liña en zigzag.

Fibela de cinto de forma oblonga e sección circular. A zona onde iría colocada a placa de cinto e a agulla está formada por dous espigos cuns apéndices verticais que servirían de tope para evitar o seu desprazamento.

Alfinete ou agulla de pelo formado por un vástago de sección cilíndrica, decorado na parte final por cinco molduras anulares, e cabeza fusiforme, cun corpo bulboso. Está fracturado na punta.