Busca

Nas últimas escavacións arqueolóxicas levadas a cabo no Castro de San Cibrao de Las sucedéronse un bo número de achados de obxectos de adorno persoal realizados en bronce, entre os que destaca este brazalete, a cuxo estudo queremos achegarnos co propósito de animar os novos investigadores a facer un estudo en profundidade.

Os turíbulos do Museo Arqueolóxico Provincial de Ourense ingresaron na súa colección de forma descoñecida, a excepción dun deles que se debe a unha doazón de D. Ignacio Riestra Calderón no ano 1961 (CE003846).

Día das Letras Galegas

O día 18 de maio celébrase o Día internacional dos Museos, este ano co lema «O poder dos Museos» e o Museo Arqueolóxico Provincial de Ourense ten programadas unha serie de actividades para festexalo.

18 de maio, mércores

VISITA GUIADA AO LABORATORIO DE RESTAURACIÓN (Edificio Santa María de Europa)

Horario: 10.00 h, 12.00 h, 17.00 h e 19.00 h. Duración estimada: 60 min

Grupo reducido (10 persoas máximo)

O Boletín Avriense é unha publicación do Grupo Marcelo Macías, vencellado ao Museo Provincial de Ourense. Continuador do Boletín del Museo Arqueológico Provincial de Ourense, inicia a súa andaina no ano 1971 e, neste ano, presentou o seu volume número cincuenta (Tomo L).

Con motivo do Día do Libro amosamos varios exemplares do Boletín e algunhas das pezas do Museo que foron obxecto de estudo e difusión nesta senlleira publicación.

O lema deste ano no día Internacional da Muller, “Igualdade de xénero hoxe para un mañá sostible“, inspirounos para amosar esta estampa de Virxilio, pertencente ás coleccións do Museo, na que aparecen tres xeracións de mulleres galegas ofrecendo o producto do seu traballo. Esta imaxe tradicional lévanos a apreciar un dos piares fundamentais da Galicia de hoxendía: a sostenibilidade e extraordinaria calidade dos productos da terra e do mar galegos.

Con motivo da exposición “Símbolos xacobeos e imaxes de Santiago. Impresos do barroco compostelán” elabórase este vídeo sobre a creación e estampaxe dun gravado a punta seca co artista plástico Roberto González Fernández.

Éxito de público na visita guiada á exposición: «Símbolos xacobeos e imaxes de Santiago. Impresos do barroco compostelán» organizada polo Museo Arqueolóxico e realizada pola Comisaria da exposición, Prof. YOLANDA BARRIOCANAL LÓPEZ.

O GRUPO MARCELO MACÍAS presentou na Sala de Exposicións “Escolma de escultura” o Tomo L do BOLETÍN AVRIENSE.

O Museo Arqueolóxico Provincial de Ourense organiza unha VISITA GUIADA pola Comisaria da exposición Prof. YOLANDA BARRIOCANAL LÓPEZ.

O día 2 de decembro de 2021 ás 19:00 h.

Prazas limitadas.

Na sala de exposicións Afundación Ourense. Praza Maior, 4.

Necesaria inscrición previa no teléfono 988 788 439

O delegado territorial da Xunta en Ourense, Gabriel Alén visitou o Museo Arqueolóxico Provincial de Ourense, xestionado pola Xunta, tralo incremento dos seus fondos cunha colección de imaxes da familia Conde-Valvís Fernández. Trátase de fotografías que abranguen desde os anos 20 ata os 60 do pasado século, aproximadamente, e que recollen a actividade arqueolóxica de Francisco Conde-Valvís Fernández, ourensán afeccionado a esta disciplina e destacado bibliófilo, ademais de escenas da vida cotiá da época.

A partir da revolución ocasionada con motivo da aparición da imprenta, o medio escrito convértese nunha das canles de comunicación máis eficaces para a transmisión do coñecemento e dos descubrimentos. O Camiño de Santiago, como roteiro cultural europeo antonomástico, foi unha das vías de intercambio deses saberes preferidos polas xentes de cultura.

Do de 15 setembro de 2021 ao 16 de xaneiro de 2022

Na sala de exposicións Afundación Ourense. Praza Maior, 4

HORARIO:

Luns a venres: de 17.30 a 20.30 h

Sábados, domingos e festivos: de 12.00 a 14.00 e de 17.30 a 20.30 h

Entrada gratuíta

O Museo Arqueolóxico Provincial de Ourense súmase, dentro do seu calendario expositivo, ao programa cultural e actos programados no Xacobeo 2021 coa exposición SÍMBOLOS XACOBEOS E IMAXES DE SANTIAGO NOS IMPRESOS DO BARROCO COMPOSTELÁN. Esta iniciativa, concibida desde unha base fundamentalmente divulgativa, propón unha renovada visión da figura do Apóstolo Santiago a partir dunha escolma de impresos, con presencia de estampas xacobeas, que viron a luz nas imprentas composteláns nos séculos XVII e XVIII.

As obras de rehabilitación -hoxe en curso- do Museo Arqueolóxico Provincial de Ourense, instalado desde a década dos cincuenta do século pasado no antigo Pazo do Bispo, implicaron preceptivos traballos de investigación arqueolóxica previa, dos que gran parte dos restos descubertos se integraron no proxecto de rehabilitación arquitectónica.

Esta lámina, realizada en tinta sobre papel, pertence ao Caderno de debuxos atribuído ao Padre Sarmiento que se conserva no fondo documental do Museo Arqueolóxico e foi recentemente publicada na Peza do Mes. O investigador Justo Carnicero Méndez-Aguirre estuda o conxunto de inscricións e debuxos de diversos elementos artísticos e arquitectónicos que coinciden exactamente cos lugares por onde pasou o P. Sarmiento, nas súas tres viaxes a Galicia en 1725, 1745 e 1754-1755.

Todos os proxectos elaborados foron magníficos!

Tras moitas deliberacións o CEIP Virxe da Pena da Sela (O Irixo) e o CEIP de Oímbra foron os colexios elixidos para desfrutar dun Obradoiro Arqueolóxico agasallo de Xeitura para o vindeiro curso escolar.

Todos os colexios participantes recibirán un lote de libros para as súas bibliotecas.

Temos que agradecer a dedicación e calidade didáctica da responsable destes obradoiros, Begoña Garrido Labrador de Xeitura.

Noraboa a todos os alumn@s e profesores porque sodes uns grandes museólogos!

Con motivo do Día Internacional dos Museos elabórase este vídeo sobre a historia do edificio do Museo na Praza Maior, que se presenta e exhibe dende o 13 de maio ao 13 de xuño na Biblioteca Pública Nós en Ourense.

#DIM2021 : O FUTURO DOS MUSEOS: RECUPERAR E REIMAXINAR

Quico Cadaval. “A memoria reimaxinada”

18 de mayo ás 20:30 h.

Emisión en streaming vía Facebook Live

Enlace: https://www.facebook.com/events/500532077768263/