Busca
O mércores, 8 de marzo, ás 20h., María del Pilar Núñez Sánchez presentará a Peza do mes de marzo: "Debuxo dunha mariscadora. Joaquín Araujo y Ruano".
Entrada libre.
O mércores, 12 de abril, ás 20h., Ana Mª Malingre Rodríguez presentará a Peza do mes de abril: "Pote. Modelo nº5" na sala da exposición "Escolma de escultura".
Entrada libre.
O día 25 de abril tivo lugar, na Sala "Escolma de Escultura" de San Francisco, a presentación do volume LI-LII do Boletín Auriense.
O Outeiro de Cavaladre, lugar situado no val de Salas, acolle unha necrópole formada por catorce monumentos megalíticos.
No monumento, entre outros materiais, destacamos as once puntas de frecha que descubrimos durante a escavación. Nesta Peza do mes estudiamos as características deste destacado grupo de artefactos que formaba parte da ofrenda funeraria, ben como enxoval, ben como parte dunha ofrenda fundacional.
A fundición Malingre elaborou polo menos tres tipos de potes: os correntes como este, os boca-ancha e os chamados «potes Malingre». Tamén fabricou outros recipientes de cociña como marmitas, potas e tarteiras, ademais de filloeiras.
O día 10 de maio, ás 20h, José Mª Eguileta Franco presentará a Peza do mes: "Once puntas de frecha do túmulo M5 de Outeiro de Cavaladre (Muíños, Ourense)".
Sala de exposicións "Escolma de escultura" en San Francisco. Entrada libre.
O 18 de maio é o #DíaInternacionaldosMuseos e para celebralo temos preparadas unha serie de actividades, este ano baixo o lema: Museos, sostibilidade e benestar.
Con motivo do Día Internacional dos Museos convidámosvos a visitar os almacéns do Museo. No edificio de Santa María de Europa (Rúa Xílgaros, s/n, A Carballeira) poderedes descubrir os segredos que agachan as nosas coleccións.
Con motivo do Día Internacional dos Museos, convidámosvos a visitar o laboratorio do Museo. No edificio de Santa María de Europa (Rúa Xílgaros, s/n, A Carballeira) poderedes coñecer o traballo de restauración que realiza o noso equipo.
Viaxaremos a vida cotiá da Idade do Bronce a través do noso obradoiro de arqueoloxía experimental da man de Área de Arqueoloxía Experimental. Será unha actividade moi interesante na que daremos a coñecer a cultura material desa época e os seus procesos tecnolóxicos.
O 18 de maio é o Día Internacional dos Museos e para celebralo temos preparadas unha serie de actividades, este ano baixo o lema: Museos, sostibilidade e benestar.
Neste 17 de maio, Día das Letras Galegas 2023, lembramos ao homenaxeado Francisco Fernández del Riego con esta fotografía do 20 de xuño de 1929 pertencente ao fondo documental do Museo.
Os dous debuxos que constitúen a presente peza do mes ingresaron nas coleccións do Museo Arqueolóxico Provincial de Ourense en 2002 como depósito da Xunta de Galicia, mediante compra, tras a oferta dun particular, quen pola súa vez os adquiriu nun anticuario na cidade de Burgos. Son obra do artista lucense Xesús Rodríguez Corredoira de Castro (Lugo, 1889-Portela de Roxos, Santiago de Compostela, 1939), do que a maior parte da súa produción se conserva no Museo Provincial de Lugo.
O día 14 de xuño, ás 20h, Belén Lorenzo Rumbao presentará a Peza do mes: "Debuxos. Xesús Corredoira".
Sala de exposicións "Escolma de escultura" en San Francisco. Entrada libre.
Presentamos unha selección de fichas de esculturas expostas na sala de exposicións "Escolma de escultura" realizadas en lectura fácil.
O obxecto do noso estudo é un fragmento de molde monovalvo para fundir barras, pranchas e tortas de diferentes tamaños. A peza evidencia unha grande economía de medios, preciso dominio das técnicas da metalurxia e unha importante rede de intercambios a media distancia.
O día 13 de setembro, ás 20h, Ana María Veiga Romero presentará a Peza do mes: "Molde de fundición. Castro de Castromao".
Na sala de exposicións "Escolma de escultura" en San Francisco (Ourense). Entrada libre.
O Museo Arqueolóxico Provincial de Ourense produciu a exposición “Ourense. Anos 20”, comisariada por Avelino Rodríguez, que recolle con corenta imaxes aspectos da vida social, económica e cultural da cidade e da provincia durante os convulsos anos vinte do século pasado, con fondos propios do museo e cesións doutras institucións e particulares.