Busca

ÍNDICE

EDITORIAL ….................................................................................................................................................................................... 9

Para esta peza do mes seleccionamos un pequeno conxunto de instrumentos de medición. En primeiro lugar, e, pola súa singularidade, damos a coñecer unha caixa de latón, rectangular, cos extremos curtos redondeados. A tapa únese mediante bisagras e, o mesmo cá base, leva un bordo de cana. Correspóndese cunha caixa para gardar tabaco, de orixe flamenga, empregada polos mariñeiros. O seu tamaño, uns 16 cm, permitíalles levala consigo no peto.

O día 8 de maio, ás 20h, María del Pilar Núñez Sánchez presentará a Peza do mes: "Instrumentos de medición".

Na sala de exposicións "Escolma de escultura" en San Francisco (Ourense). Entrada libre.

OBRADOIRO DE ARQUEOLOXÍA EXPERIMENTAL. TECNOLOXÍA DA PREHISTORIA NA IDADE DO BRONCE

Viaxaremos a vida cotiá da Idade do Bronce a través do noso obradoiro de arqueoloxía experimental da man de Área de Arqueoloxía Experimental. Será unha actividade moi interesante na que daremos a coñecer a cultura material desa época e os seus procesos tecnolóxicos.

Actividade gratuita. No recinto do Claustro de San Francisco

Hai un obradoiro ás 12h. e outro as 18h.

Plazas dispoñibles, anótadevos no que prefirades! 988 788 439

A peza que hoxe presentamos goza de gran singularidade, pois a súa presenza en Galicia só se documenta na actual provincia de Ourense. Coñécese co nome de cerámica de Alpiarça debido á similitude desta con cerámicas atopadas en estacións arqueolóxicas do centro e sur de Portugal. Este tipo de recipientes caracterízase polas formas carenadas, predominantemente abertas, e un coidado brunido das súas superficies, así como a ausencia de decoración, tendo un período de vixencia definido entre o Bronce Final e a Primeira Idade de Ferro.

O día 12 de xuño, ás 20h, Marta Martínez Parada presentará a Peza do mes: "Cunca tipo Alpiarça. Castromao".

Na sala de exposicións "Escolma de escultura" en San Francisco (Ourense). Entrada libre.

A fotografía que ilustra o calendario do Museo neste mes de xullo pertence ao Fondo Francisco Conde-Valvís e forma parte da exposición itinerante organizada polo Museo Arqueolóxico: "Ourense. Anos 20" 

Fondo Parada Justel.

Realizada entre 1894 e 1901.

Preséntase unha lucerna procedente do campamento militar de Aquae Querquennae, no concello de Bande, onde tería residido durante un tempo a cohors III da legio VII Gemina, para atender a vía XVIII que unía Braga (Bracara Augusta) e Astorga (Asturica Augusta). O xacemento, descuberto no ano 1921 por Florentivo L. Cuevillas, acompañado de Ramón Otero Pedrayo, Vicente Risco e Farruco Pena, ven sendo escavado dende 1975 por Antonio Rodríguez Colmenero, Francisco Hervés Raigoso e Santiago Ferrer Sierra.

O día 11 de setembro, ás 20.00 h, Tomás Vega Avelaira presentará a Peza do mes «Lucerna. Campamento romano Aquae Querquennae»

Na sala de exposicións «Escolma de escultura» en San Francisco (Ourense).

Entrada libre.

«Los exvotos en Galicia. Su significación en la religiosidad popular: de la cera a los cuadros votivos» de José Fuentes Alende, editado polo Museo de Pontevedra.

• Día: xoves, 12 de setembro
• Hora: 20.00 h
• Lugar: sala de exposición de San Francisco «Escolma de escultura»

Intervirán:

As manifestacións megalíticas e tumularias da Baixa Limia son ben coñecidas gracias ós traballos do autor da presente «peza do mes» do Museo Arqueolóxico Provincial de Ourense, quen ten dirixido escavacións e prospeccións no espazo do parque natural da Baixa Limia-Serra do Xures. Precisamente foi no transcurso dunha prospección arqueolóxica no que se ten producido o achado na superficie dun dos túmulos do Outeiro de Cavaladre (Muíños, Ourense) dunha aixola de seixo.

O día 9 de outubro, ás 20.00 h, José María Eguileta Franco presentará a Peza do mes «Aixola de seixo da mámoa M4 de Outeiro de Cavaladre».

Na sala de exposicións «Escolma de escultura» en San Francisco (Ourense).

Entrada libre.

Este mes de novembro, invitámoste a descubrir e explorar o apaixonante mundo da historia e da arqueoloxía no noso Ciclo de Conferencias de Outono.

O primeiro tomo da obra Flora de Merino é unha das referencias fundamentais para o estudo da flora galega.

O día 13 de novembro, ás 20.00 h, Vicente Rodríguez Gracia presentará a Peza do mes «Flora descriptiva e ilustrada de Galicia».

Na sala de exposicións «Escolma de escultura» en San Francisco (Rúa da Granxa, 1D, 32005, Ourense).

Entrada libre ata completar capacidade. 

📢 Aviso importante

O xoves 14 de novembro non se realizarán visitas guiadas por cuestións técnicas. Non obstante, a exposición permanecerá aberta ao público no seu horario habitual, de 9:00 h a 21:00 h.

Grazas pola súa comprensión e desculpen as molestias. ¡Agardámosvos!

Esta peza descubriuse no ano 1997 nunha fosa próxima ao castro de Cameixa, escavado nos anos 40 por Florentino López Cuevillas e Xoaquín Lorenzo.

A fosa estaba illada e contiña restos de incineración. Trátase dun recipiente grande (19,5 litros) feito a mán, con decoración plástica de cordóns e mamelóns, que combina elementos locais e posibles influencias atlánticas. A datación radiocarbónica sitúa o seu uso no Bronce Inicial (2335-2039 a.C.), durante o período campaniforme en Galicia.