Fragmento de tella ("tegula") que conserva parte da súa pestana nun bordo. Amosa a impronta das pegadas dun animal.

Fragmento de tella ("tegula") que amosa tres marcas dixitais concéntricas e o cartucho rectangular que contén a marca MAR do alfareiro Marcius moi erosionada. As letras van ligadas entre sí.

Fragmento de tella ("tegula") que amosa tres marcas dixitais concéntricas e parte do cartucho rectangular que contendría a marca do alfareiro.

Arandela lixeiramente aberta de sección circular.

Arandela de sección circular.

Fragmento de mango de escalpelo ("scalpellum") correspondente a súa parte central en donde se apreza a ranura horizontal para a fixación dunha folla cortante.

Piqueta dunha tenda de campaña ("paxillus tentorii"). A peza é puntiaguda, ten sección rectangular e presenta unha maior anchura na parte proximal onde posúe un orificio para inserir unha argola.

Fragmento de tégula coa marca da pegada dun gato.

Fragmento de vidro de tonalidade verde amarelada correspondente a unha cunca hemiesférica do tipo Isings 96. Presenta un bordo en aresta viva e unha franxa enmarcada por dous filetes aplicados. Nesta franxa consérvase parte dunha inscrición coa letra A e o pao vertical da letra seguinte, quizais un M, polo que ben puidera facer referencia a unha invitación a beber: BIBAMVS, máxime cando as reducidas dimensións do recipiente parecen indicar o seu uso para beber.

Muiño circular de man circular composto de dous rodas pétreas, encaixadas entre si por planos inclinados e unidas mediante un eixe. A pedra situada na parte superior (catillus), presenta unha cara cóncava, que encaixa na inferior, a cal é fixa e convexa. O encaixe perfecto entre a pedra superior, con función activa, e a pedra inferior, con función pasiva, permitía, unha vez introducido o gran directamente polo oco central do muiño, unha maior eficiencia na súa función ao acadar un movemento continuo nunha dirección.

Foi atopado nunha estancia do castro asociado a unhas olas de almacenaxe para gran.