A morfoloxía xeral da peza é apuntada, triangular, con sección planoconvexa (un dos planos presenta a crista no eixo de simetría) e un índice de grosor espeso. A parte correspondente ao corpo é lixeiramente alongado, o ápice acentuado e os lados converxentes amosan unha delineación de tendencia recta pero con certa asimetría con respecto ao eixo lonxitudinal da peza. A base é de tipo curta con morfoloxía triangular (escaleno) asimétrica e delineación convexa. Con respecto ao retoque, este sitúase no corpo da peza, nos laterais distais e proximais; a súa forma é rectilínea irregular, con amplitude profunda, delineación denticulada simple, dirección bifacial, modo planoconvexo e morfoloxía parella.

En relación ao soporte a partir do que foi tallada a punta de frecha, este descoñécese, pois non se aprecian restos da lámina ou lasca orixinal, tampouco conserva restos de córtex. Finalmente engadir que a materia prima é incolora e de brillo vítreo.

Índices: de lonxitude: 1.8 (media); de lonxitude da base: 4.6 (curta); de grosor: 2.9 (grosa).

A morfoloxía xeral da peza é apuntada, triangular, con sección planoconvexa (un dos planos presenta a crista no eixo de simetría) e de espesura abatida. A parte correspondente ao corpo é de tipo semicurto, o ápice acentuado e os lados converxentes amosan unha delineación de tendencia recta pero con certa asimetría con respecto ao eixo lonxitudinal da peza. A base é de tipo curta, de delineación convexa e presenta fracturado un dos extremos laterais. No que atinxe ao retoque, este sitúase nas zonas laterais distais e nalgúns trazos da base; a súa forma é rectilínea irregular (sendo sinuosa no lado dereito), con amplitude profunda, delineación denticulada simple, dirección bifacial, modo planoconvexo e morfoloxía parella.

Con respecto ao soporte a partir do que foi elaborada a punta de frecha, este descoñécese, pois non se aprecian restos da lámina ou lasca orixinal, tampouco conserva restos de córtex. Finalmente engadir que a materia prima é incolora e de brillo vítreo. Índices: de lonxitude: 1.6 (media); de lonxitude da base: 4.5 (curta); de grosor: 3.2 (grosa).

A morfoloxía xeral da peza é apuntada, triangular, con sección planoconvexa e cun índice de grosor "alteado". A parte correspondente ao corpo é de tipo curto, amosando uns lados de delineación recta e un ápice moi pronunciado, cunha posible microfractura. A base é tamén de tipo curta e de delineación convexa. No que atinxe ao retoque, este sitúase nas zonas laterais distais, é rectilíneo profundo e amosa unha amplitude invasora, dirección bifacial, delineación continua e unha orientación lateral.

Con respecto ao soporte a partir do que foi elaborada a punta de frecha, este descoñécese, pois non se aprecian restos da lámina ou lasca orixinal, tampouco conserva restos de córtex. Finalmente engadir que a materia prima é incolora e de brillo vítreo. Índices: de lonxitude: 1.3 (media); de lonxitude da base: 6.2 (curta); de grosor: 3.8 (grosa).

Ola de forma globular. O bordo é exvasado co labio redondeado.No corpo presenta tres acanaladuras horizontais que enmarcan tres cenefas de eses, de trazo simple, estampilladas; a do medio está composta por grupos de seis eses separadas por espazos valeiros. Ten dúas asas, unha reconstruida, de sección en cinta. A pasta é de cor marrón. As superficies están alisadas. Está reconstruída na súa maior parte.

(Asa: altura 4,60; anchura 2,90 e grosor 0,80 cm).

Cravo de cabeza e vástago de sección cadrados do cal se desprenderon algúns fragmentos informes

Doa gallonada en cor azul cobalto, de catorce nervios en pasta vítrea. Foi aplastada nos estremos, polo que ofrece un excesivo abrasamento dos bordes planos. O propio efecto da presión tivo como consecuencia ese aplastamento e que os nervios cedesen ao empuxe, estando algún deles ladeado e dous unidos. Incipiente picado e algunha burbulla, algunha delas rota.

Tapadeira de corpo convexo cun borde lixeiramente volto ó exterior e un pomo con forma de anel na súa parte superior.

Cunca carenada con bordo a xeito de viseira, moi exvasado, horizontal -o que tamén facilitaría a súa cuberta cunha tapadeira-, que traspasa claramente a amplitude máxima do corpo de dita peza, cun beizo convexo. Presenta ademais un cordón dixitado baixo o bordo en toda a súa extensión como gramática decorativa máis singular, se ben a propia carena aparece tamén enmarcada por dúas acanaladuras moi superficiais que delimitan o sector medio da peza. O fondo xa non se conservaba pero pola curvatura do seu corpo cabe sospeitar un fondo plano e amplo. A súa pasta é de cor ocre e na parte superior do bordo e no interior do corpo presenta aínda restos dun engobe moi diluído ou agoada de cor ocre amarronado. Non presenta tampouco evidencias superficiais de carbonización.

Conxunto de fragmentos que ofrecen o perfil completo dunha gran cunca de Terra Sigillata Hispánica, Drag 29, de estilo metopado. As metopas aparecen separadas por liñas onduladas e bifoliáceas e nelas represéntase a Mercurio con bastón, á Loba con Rómulo e Remo, a un can sobre un cervo e a tres figuras femininas portando unha cornucopia na man esquerda.

Xerra reconstruída a partiir de 12 fragmentos, de labio exvasado, bordo redondeado e colo pouco pronunciado e oblicuo. Corpo é lixeiramente periforme e decorado con dúas liñas incisas á altura do ombro. Conserva parte do arrinque dunha asa de cinta.