Ola de forma globular. O bordo é exvasado co labio redondeado.No corpo presenta tres acanaladuras horizontais que enmarcan tres cenefas de eses, de trazo simple, estampilladas; a do medio está composta por grupos de seis eses separadas por espazos valeiros. Ten dúas asas, unha reconstruida, de sección en cinta. A pasta é de cor marrón. As superficies están alisadas. Está reconstruída na súa maior parte.

(Asa: altura 4,60; anchura 2,90 e grosor 0,80 cm).

Cravo de cabeza e vástago de sección cadrados do cal se desprenderon algúns fragmentos informes

Doa gallonada en cor azul cobalto, de catorce nervios en pasta vítrea. Foi aplastada nos estremos, polo que ofrece un excesivo abrasamento dos bordes planos. O propio efecto da presión tivo como consecuencia ese aplastamento e que os nervios cedesen ao empuxe, estando algún deles ladeado e dous unidos. Incipiente picado e algunha burbulla, algunha delas rota.

Tapadeira de corpo convexo cun borde lixeiramente volto ó exterior e un pomo con forma de anel na súa parte superior.

Cunca carenada con bordo a xeito de viseira, moi exvasado, horizontal -o que tamén facilitaría a súa cuberta cunha tapadeira-, que traspasa claramente a amplitude máxima do corpo de dita peza, cun beizo convexo. Presenta ademais un cordón dixitado baixo o bordo en toda a súa extensión como gramática decorativa máis singular, se ben a propia carena aparece tamén enmarcada por dúas acanaladuras moi superficiais que delimitan o sector medio da peza. O fondo xa non se conservaba pero pola curvatura do seu corpo cabe sospeitar un fondo plano e amplo. A súa pasta é de cor ocre e na parte superior do bordo e no interior do corpo presenta aínda restos dun engobe moi diluído ou agoada de cor ocre amarronado. Non presenta tampouco evidencias superficiais de carbonización.

Conxunto de fragmentos que ofrecen o perfil completo dunha gran cunca de Terra Sigillata Hispánica, Drag 29, de estilo metopado. As metopas aparecen separadas por liñas onduladas e bifoliáceas e nelas represéntase a Mercurio con bastón, á Loba con Rómulo e Remo, a un can sobre un cervo e a tres figuras femininas portando unha cornucopia na man esquerda.

Xerra reconstruída a partiir de 12 fragmentos, de labio exvasado, bordo redondeado e colo pouco pronunciado e oblicuo. Corpo é lixeiramente periforme e decorado con dúas liñas incisas á altura do ombro. Conserva parte do arrinque dunha asa de cinta.

Cántaro de bordo moldurado, colo cilíndrico e pronunciado, bordo exvasado e levemente colgante cunha liña incisa perimetral na e corpo ovoide. Ten dúas asas en cinta, levemente bilobuladas, que parten do colo, inmediatamente debaixo do bordo, e enlazan coa parte alta do corpo.As asas son curtas, de cinta e presentan pegadas dixitais nos extremos.

Gran ola, moi deformada e reconstruída a partir de 27 fragmentos, de boca oval, labio exvasado e facetado e bordo lixeiramente biselado; o corpo é globular.

Xerra de cerámica común reconstruída a partir de 54 fragmentos, de corpo ovoide, colo cilíndrico, labio exvasado discontinuo e bordo redondeado. O pé é recto, pequeno e destacado. Asa vertical de cinta. Esta decorada por lixeiras liñas paralelas.