Prato-fonte reconstruída a partir de 7 fragmentos. A peza é de bordo exvasado e galbo convexo ao exterior. A base-fondo é lixeiramente cóncavo.

Xerra reconstruída a partir de 6 fragmentos. A peza ten boca circular, labio exvasado, bordo redondeado e colo pouco pronunciado. Galbo lixeiramente globular. A asa de cinta parte do bordo e morre na metade do galbo.

Ola reconstruída a partir de 18 fragmentos. A peza ten o colo curto e exvasado e o bordo redondeado. Corpo ovoide; carece de base/fondo.

Gran ola reconstruída a partir de 19 fragmentos. A peza é de labio exvasada e cunha pequena inflexión para asentar unha tapadeira; o bordo é redondeado e colo curto, lixeiramente oblicuo ao exterior. Corpo ovoide. Pegadas de vexetais ao exterior.

Cunca recunstruída a partir dun fragmento. O seu labio é invasado e redondeado. Corpo convexo.

Prato reconstruído a partir de tres fragmentos. O seu labio é lixeiramente invasado e descontinuo. Paredes rectas e fondo plano.

Sete fragmentos que compoñen o perfil dunha ola globular, de labio lixeiramente exvasado e bordo redondeado.

Gran prato reconstruído a partir dun fragmento. O seu bordo é redondeado e o corpo recto, tras unha lixeira carena. O fondo-base é plano.

Morteiro reconstruío a partir dun fragmento. O seu labio é lixeiramente exvasado e bordo redondeado. Tras un pequeno resalte-baquetón comeza a parede do recipiente, cóncava e moi robusta. Fondo cóncavo. Do labio arrinca un bico de planta trapezoidal con dobre parede (de 15,6 mm de profundidade) que conforma a canle.

Fragmento de cántaro O labio presenta ao interior unha pequena inflexión para aloxar unha tapadeira. O seu bordo é recto, engrosado e lixeiramente volto ao exterior. Á altura do ombro presenta unha decoración de dúas leves liñas incisas que enmarcan un zigzag. A asa, con gran acanaladura central, une o bordo co ombro.