Podón ("falx") de ferro que conserva restos do seu mango, fabricado con madeira, ao cal fixábase mediante tres remaches. Dado o seu mal estado de conservación non se pode ser máis preciso na descripción ata que se produza a súa restauración.

Ola de tamaño medio e forma globular, con certa tendencia piriforme; é dicir, que o punto máis amplo da barriga se localiza na parte media/baixa.. O bordo é exvasado, facetado e lixeiramente cóncavo, cun labio redondeado. O fondo é plano, como é propio deste tipo. Conserva o arrinque dunha asa de cinta que une o labio coa parte media da barriga. A asa reintegrouse cuns leves rebordos laterais e unha depresión central, características que aparecen frecuentemente nesta forma. O acabamento exterior é un simple alisamento, bastante perdido xa, debido ao uso da peza, quizais en tarefas relacionadas co procesado e consumo de alimentos.

(Asa: altura 6,3; anchura 3,2 e grosor 0,4 cm).

Cunca de base anular, fondo plano e bordo horizontal. Presenta decoración cara o exterior e interior. No exterior conserva restos do que podemos identificar con motivos vexetais estilizados en azul e perfilados en morado. No interior, no centro, está decorada por un cervo rodeado de motivos vexetais e unha bolboreta, realizados con tres cores: azul, raiado laranxa e morado, para os contornos das figuras. Todo iso enmarcado por unha orla tricolor de motivos xeométricos que ocupa todo o bordo da peza.

Ola de gran tamaño reconstruída a partir de 183 fragmentos. O seu colo é pronunciado e curto, o labio facetado e o bordo redondeado. Corpo oval e asas curtas e de cinta. Decorada a altura do ombro cunha franxa de 15 mm de ancho con 3 baquetóns de sección trapezoidal e dobre incisión. A base-fondo é plana.

Ola de pequenas dimensións de fondo plano, corpo globular e bordo esvasado de beizo redondeado. Superficie exterior bruñida.

Ola de medianas dimensións, corpo globular, fondo plano, colo recto e borde esvasado con beizo redondeado. Superficie externa bruñida.

Fragmento de lucerna de canal aberto Dressel?-Lamboglia 5C y Loeschcke IX. Conserva parte da piqueira, con orificio de iluminación e parte do reservatorio e a base con tres molduras e o selo COMVNI, pertencente ao obradoiro do oleiro Communis.

Fíbula anular.

Fíbula completa de arco semicircular cun suco lonxitudinal tanto ao exterior como ao interior. A cabeza forma un aro aberto que encaixa no traveseiro. Este é fusiforme, de sección circular e presenta unha plaquiña lonxitudinal moldurada na parte interna e un eixo independente que atravesa o interior e a cabeza da fíbula. A agulla vai fixada por baixo do elemento de unión, desprazada nun dos lados. O pé é ancho e firme, e mostra a goteira lateral para encaixe da agulla. Apéndice caudal elevado, rematado nun botón troncocónico.

Vaso piriforme de paredes relativamente finas e de colo pouco pronunciado reconstruído a partir de 14 fragmentos. A súa superficie exterior é de cor ocre alaranxado por efecto do brunido ao que foi sometida a peza. Mostra restos de bandas vermellas pintadas a pincel, nas zonas superior e inferior do corpo (moi degradadas e só observables co binocular)